Sunnudagskvöldið 26. september kl. 20 er Eide messa. Félagar úr Kór Keflavíkurkirkju syngja undir stjórn Arnórs Vilberssonar, organista. Helga Jakbobsdóttir og Þórey Eyþórsdóttir eru messuþjónar. Sr. Erla Guðmundsdóttir þjónar. Sunnudagaskólinn er í höndum leiðtoganna Marínar, Helgu og Alexanders og fer fram í kirkjunni kl. 11.
Samvera á Suðurnesjum í tilefni Alþjóðadags sjálfsvígsforvarna Kyrrðarstund í Keflavíkurkirkju sunnudagskvöldið 12. september kl. 20. Dagný Maggýjar segir frá reynslu sinni sem aðstandandi. Hún er höfundur bókarinnr Á heimsenda er segir frá sögu móður hennar sem lést í sjálfsvígi 2010. Sr. Erla Guðmundsdóttir leiðir stundinar og Arnór Vilbergsson organisti leikur undir söng hjá Kór Keflavíkurkirkju.
Sunnudagskvöldið 5. september kl. 20 verður lífleg og fjörug kvöldmessa. Arnór organisti stýrir köftugum söng Vox Felix. Prestarnir, Erla og Fritz Már, þjóna bæði við stundina. Við bjóðum sérstaklega fermingarbörn vetrarins og fjölskydur þeirra til kirkju. Verið öll velkomin.
Kórfélagar syngja á nýjum og hálfkláruðum kórpöllum á kirkjulofti í kvöldmessu sunnudaginn 22. ágúst kl. 20. Arnór organisti leikur á orgel og Sr. Fritz Már leiðir helgistundina. Verið velkomin í síðsumars kvöldkirkju
Sunnudagskvöldið 13. júní kl. 20 munum við ganga í umhverfi Keflavíkurkirkju. Kórfélagar, við undirspil Arnórs organista á ukulele, leiða söng. Sr. Erla fer með orð og bæn. Endað verður í bakgarði sóknarprests á Brunnstíg í kaffisopa og heimabökuðu. Hlökkum til samverustundar með ykkur á sumarkvöldi.
Sjómannamessa verður í Bíósal Duus Safnahúsa á sjómannadaginn 6. júní kl. 11. Félagar úr Kór Keflavíkurkirkju leiða söng við undirspil og stjórn Arnórs Vilbergssonar organista. Sr. Erla Guðmundsdóttir þjónar. Safnstjóri Byggðasafns Reykjanesbæjar kynnir sýninguna Fast þeir sóttu sjóinn – Bátasafn Gríms Karlssonar. Í lok dagskrár verður lagður krans við minnismerki sjómanna á Bakkalág við Hafnargötu.
Hvítasunnudaginn 23. maí kl. 11 veð sex ungmenni fermd í Keflavíkurkirkju. Elmar Þór syngur við undirleik Arnórs organista. Sr. Erla og sr. Fritz þjóna. Verið öll velkomin
Sunnudagskvöldið 16. maí kl. 20 verður taizémessa í Keflavíkurkirkju. Slík messa á uppruna sinn að rekja til Suður Frakklands nánar tiltekið til bæjarins Taizé. Kórfélagar, undir stjórn Arnórs Vilbergssonar organista, syngja taize sálma sem byggist á endurteknu söngstefi sem kallar fram hughrif kyrrðar. Sr. Erla Guðmundsdóttir þjónar.
Sunnudagskvöldið 9. maí kl. 20 verður kvöldmessa í Keflavíkurkirkju. Félagar úr Kór Keflavíkurkirkju syngja undir stjórn Arnórs organista. Sr. Erla þjónar. Verið öl hjartanlega velkomin
Kæri söfnuður Vegna hertra sóttvarnaraðgerða fellur safnaðarstarf og helgihald í Keflavíkurkirkju niður næstu þrjár vikur. Undantekning frá þessu eru fermingar að loknum páskum sem eru einungis ætlaðar fermingarbörnum og fjölskyldum. Við munum streyma helgistundum í dymbilviku á og páskadag. Orð Páls postula færum við ykkur: "Verið glöð í voninn, þolinmóð í þjáningunni, staðföst í bæninni." [...]