Sunnudagaskóli

Sunnudagaskólinn hefst 13. september 2026 kl. 11.

Sunnudagaskólinn í Keflavíkurkirkju hefst að jöfnuðu sunnudaginn eftir Ljósanótt og er alla sunnudaga kl. 11 yfir vetrarmánuðina. Lögð er áhersla á samfellu og stöðugleika í starfinu en enginn sunnudagur fellur úr að vetri. Undantekning frá þessu er fyrsti sunnudagur í janúar en þá er frí.

Umsjón með sunnudagskólanum hafa Helga Sveinsdóttir, Alexander Grybos, Jón Ingi Garðarsson og Rut Páldís Eiðsdóttir ásamt prestum.
Sunnudagaskólinn er vettvangur fyrir dýrmætar samverustundir með ástvinum sínum í kirkjunni.
Hátíðarstundin Kraftaverk á Betlehemsstræti er á aðfangadag kl. 16. Einnig er barnasamvera á öðrum í páskum kl. 11.

Barnakórar

Regnbogaraddir og Himinn & jörð í Keflavíkurkirkju.

Keflavíkurkirkja býður uppá vikulegt söngstarf fyrir börn í 1. -5. bekk og 6. -10. bekk. Arnór Vilbergsson, organisti, og Freydís Kneif Kolbeinsdóttir hafa umsjón með barnakórsstarfi Keflavíkurkirkju. Kóræfingar fara fram í Kirkjulundi.

Regnbogaraddir fyrir börn frá 1. -5. bekk hittast á þriðjudögum frá kl. 18:00-18:45.

Himinn og jörð sem er ungmennakór fyrir ungmenni frá 6. -10. bekk, hittist á miðvikudögum frá kl. 16:50-17:50.

Verið hjartanlega velkomin.

KFUM og KFUM

Keflavíkurkirkja styður við það mikilvæga starf sem KFUM og KFUK Suðurnes sinna og starfar náið með deildarstarfi þeirra í Keflavíkursókn.

KFUM og KFUK er æskulýðshreyfing sem hefur að markmiði að vekja trú á Krist og kalla til þjónustu í ríki hans, efla trúarlíf og siðferðiskennd og hlúa að andlegri, líkamlegri og félagslegri velferð einstaklingsins.
Þríhyrningurinn í merki félaganna undirstrikar þetta, en hliðar hans tákna líkama, sál og anda.
Aðferðafræðin er aðferð Jesú Krists: Að mæta hverri manneskju af umhyggju, kærleika og virðingu

Þriðjudagar: 

  • Yngri deild drengja fyrir 5.-7. bekk frá kl. 17:30-18:30

  • Yngri deild stúlkna fyrir 5.-7. bekk kl. 19:30-20:30

Sunnudagar:

  • Unglingadeild fyrir alla í 8.-10. bekk kl. 20:00-21:00

Fundir eru vikulega yfir veturinn með fjölbreyttri dagskrá. Þar má nefna leiki, íþróttir, ferðalög, bingó, jól í skókassa, útiveru ofl. Hver funduru inniheldur hugleiðingu og fræðslu út frá Guðs orði.