Vatnaskógarferð haust 2024

Gert er ráð fyrir öllum fermingarbörnum í Vatnaskógarferðina þar sem hún er stór liður  fermingarfræðslunnar. Ekki þarf að skrá sérstaklega í ferðina en foreldrar/forráðafólk er beðið að senda tölvupóst á prestana ef börnin hyggjast ekki fara í Vatnaskóg.

Heimsókn í Vatnaskóg skipar sérstakan sess í fræðslunni en leitun er að skemmtilegri stað til að dvelja á! Eyrarvatn býður upp á siglingar og jafnvel svolítið sund og aðstaðan á staðnum er með besta móti með íþróttasal, hjólabrettarömpum auk ágætra svefnskála og útisvæði sem býður upp á leik og fræðslustundir undir bláhimni.

Lagt er af stað frá Keflavíkurkirkju mánudag 23. sept. kl. 13 eftir skóla og hádegismat. Dvölin stendur yfir í tvo sólarhringa og er komið heim miðvikudag 25. sept. kl. 15:30.

Skólarnir fá tilkynningu um ferðina en það er í höndum foreldra að biðja um leyfi fyrir börnin.

Börnin taki með sér:

  • Svefnpoka eða sæng, kodda og lak
  • Hlý föt fyrir útiveru (regnföt og stígvél)
  • Föt til skiptanna (nægir sokkar)
  • Íþróttaföt (innanhússkór ef til eru)
  • Sundföt og handklæði
  • Náttföt
  • Tannbursta, tannkrem og sápu
  • Leyfilegt er að taka með hjólabretti
  • Leyfirlegt er að taka blautbúning

Ekki er leyfilegt að taka með síma. Ef fermingarbörnin óska eftir að hringja í heim þá hringja þau úr símum prestanna.

Auk þess er ekki leyfilegt að taka með gos, orkudrykki, sælgæti eða rafrettur.

Gjaldið í Vatnaskóg er 18.500 kr. en upphæðin nemur 29.100 kr. ef foreldrar/forráðamenn eru utan Þjóðkirkju. Kröfur eru sendar í heimabanka á það foreldri sem er skráð sem „foreldri 1“ við skráningu í fermingarfræðslu.

Ef börnin taka inn lyf, þá þurfa þau að berast prestunum í sérmerktum umbúðum. Einnig þurfa að berast upplýsingar ef börnin búa við sérþarfir af einhverjum toga.

Hægt er að vitja óskilamuna í þjónustumiðstöðina við Holtaveg 28 í Reykjavík, s. 588 8899.

Ef þörf krefur er hægt að hringja í Vatnskóg, s. 433 8959 á meðan börnin dvelja þar. Þá eru prestarnir með síma á sér, Erla (8492194) og Fritz Már (8884321).

Gullna reglan

Allt sem þér viljið, að aðrir menn gjöri yður, það skuluð þér og þeim gjöra. (Matt 7.12)