Verið hjartanlega velkomin í bleika messu á sunnudaginn næsta. Hólmfríður Jenný Árnadóttir segir reynslusögu. Krabbameinsfélag Suðurnesja kynnir starf félagsins og verður með bleikan varning til sölu. Sr. Erla þjónar og Systa er messuþjónn. Kór Keflavíkurkirkju syngur undir stjórn Arnórs organista. Súpa og brauð að lokinni athöfn.
Þriðjudag þann 15. október verður fyrsta sorgarerindi af þremur í Keflavíkurkirkju. Í kvöld verður fjallað um samskipti, sambönd og sorg. Sr. Fritz leiðir stundina og fjallar um úrvinnslu áfalla og sorgar í tengslum við hvert umræðuefni. Fólk úr samfélaginu miðlar af reynslu sinni og tónlistardúettinn Heiður flytur okkur fallega tónlist inn í stundina. Öll hjartanlega [...]
Sunnudaginn 13. október kl. 11 verður messa, sunnudagaskóli og súpa. Kórinn syndur undir stjórn Arnórs. Elva og Brynja eru messuþjónar. Sr. Fritz Már þjónar fyrir altari. Sunnudagaskólinn með leiðtogum Helgu, Grybos, Rut og Jóni Inga byrja inn í kirkju og halda svo á sinn stað í Kirkjulundi. Súpuþjónar og fermingarforeldrar reiða fram súpu og brauð. [...]
Október er tileinkaður orgelinu í Keflavíkurkirkju. Verið hjartanlega velkomin á viðburði októbermánaðar sem eru alla sunnudaga.
Sunnudag 6. október kl. 11. Orgeltónlistarævintýrið LÍTIL SAGA ÚR ORGELHÚSI leiðir hlustanda inní töfraheim pípuorgels á skemmtilegan hátt. Sögumaður er Bergþór Pálsson, söngvari. Guðný Einarsdóttir gerði söguna og leikur á orgelið. Orgelævintýrið er ætlað börnum og fullorðnum. Öll velkomin.
Við öll velkomin í innilega og fallega æðruleysismessu í Keflavíkurkirkju á miðvikudagskvöld kl. 20. Steinunn Björg mun flytja fallega tónlist. Við heyrum reynslusögur frá félögum. Sr. Fritz Már þjónar og Brynja er messuþjónn.
Það verður stuð og stemning í sunnudagaskólanum á sunnudag kl. 11. Við kynnum nýja leiðtoga til leiks þau Jón Inga og Rut. Söngur, brúður og Biblíusaga Verið öll hjartanlega velkomin.
Sindre Eide er norskur prestur, sem unnið hefur stórvirki í að kynna trúartónlist fjarlægra þjóða með ólíkum hryn og sveiflu og laga að lútersku helgihaldi. Kór Keflavíkurkirkju syngur undir stjórn Arnórs organista. Sr. Helga Kolbeinsdóttir þjónar fyrir altari. Komum saman í kirkju og njótum.
Verið velkomin í kvöldmessu næsta sunnudagskvöld kl. 20. Kórfélagar syngja við orgelleik Arnórs. Elva Björk er messuþjónn og sr. Erla þjónar fyrir altari.
Við minnum á að allt vetrarstarf í Keflavíkurkirkju er byrjað. Skráning í kóra óþörf, bara mæta Öll hjartanlega velkomin.