kirkjulundurFimmtudagurinn 5. maí er uppstigningardagur. Það var í tíð hr. Péturs Sigurgeirssonar biskups Íslands, að ákveðið var að tileinka öldruðum daginn. Víða er því öldruðum sérstaklega boðað til helgihalds á þessum degi. Í Kirkjulundi, safnaðarheimili Keflavíkurkirkju verður guðsþjónusta klukkan 14:00. Eldey, kór eldri borgara syngur undir stjórn Arnórs Vilbergssonar organista og Viðar Guðjónsson leikur á flügelhorn. Prestur er sr. Eva Björk Valdimarsdóttir. Boðið verður upp á kaffi og kleinur.