Vatnaskógarferð haust 2019

Gert er ráð fyrir öllum fermingarbörnum í Vatnaskógarferðina þar sem hún er stór liður í fermingarfræðslunni.

Heimsókn í Vatnaskóg skipar sérstakan sess í fræðslunni en leitun er að skemmtilegri stað til að dvelja á! Vatnið býður upp á siglingar og jafnvel svolítið sund og aðstaðan á staðnum er með besta móti með íþróttasal og hjólabrettarömpum auk ágætra svefnskála. Ástæða þess að farið er svo snemma á fermingarvetri í ferðina er að þá nýtist skógurinn betur, enn er hægt að sigla á Eyrarvatninu sem og að hafa fræðslustundir á útisvæði.

 

Lagt er af stað frá Keflavíkurkirkju kl. 13 eftir skóla og hádegismat. Dvölin stendur yfir í tvo sólarhringa og er komið heim síðladags.

Drengir mæta mánudaginn 16. sept. og áætluð heimkoma er miðvikudaginn 18. sept.
• Stúlkur fara miðvikudaginn 18. sept. og áætluð heimakoma er föstudaginn 20. sept.

 

Skólarnir fá tilkynningu um ferðina en það er í höndum foreldra að biðja um leyfi fyrir börnin.

Börnin taki með sér:
• Svefnpoka eða sæng, kodda og lak
• Hlý föt fyrir útiveru (regnföt og stígvél)
• Föt til skiptanna (nægir sokkar)
• Íþróttaföt
• Sundföt og handklæði
• Tannbursta, tannkrem og sápu
• Leyfilegt er að taka með hjólabretti

Ferðin er að stærstum hluta greidd af kirkjunni en hluti fermingarbarna er 16.000 kr. og greiðist við brottför. Erum ekki með posa.

Símar eru leyfðir til notkunar sem myndavél og ef þau óska eftir að hringja í foreldra þá hringjá þau úr símum prestanna.

Gullna reglan

Allt sem þér viljið, að aðrir menn gjöri yður, það skuluð þér og þeim gjöra. (Matt 7.12)

 

Ef börnin þurfa að taka inn lyf, þá þurfa þau að berast prestunum og vera í sérmerktum umbúðum. Einnig þurfa að berast upplýsingar ef börnin búa við sérþarfir af einhverjum toga.

 

Börnin taki ekki með sér:
• Sælgæti og gos

Hægt er að vitja óskilamuna í þjónustumiðstöðina við Holtaveg 28 í Reykjavík, s. 588 8899.
Ef þörf krefur er hægt að hringja í Vatnskóg, s. 433 8959 á meðan börnin dvelja þar. Þá eru prestarnir með síma á sér, Erla (8492194) og Fritz Már (8884321).